قال الإعلامي يوسف الحسيني، إن الأمن الوطني يخلق حالة من الهلع والذعر في نفوس المواطنين مع اقتراب الذكرى الخامسة لثورة 25 يناير، مضيفًا: «مش عارف إيه الغرض من إن الأمن يعمل كده، هو الأمن شغلته يحمي البلد ويطمن الناس ولا العكس».
وتابع الحسيني، خلال تقديمه برنامج «السادة المحترمون »، عبر فضائية «أون تي في»، «فيه حملة قبض موسعة ضد الشباب، نتفق أو نختلف معهم، لكن إنتوا بتقبضوا عليهم ليه، تقفلوا روابط ونوادي ودار ميريت وتاون هاوس ليه، تقبض على أيمن عبد المجيد، ومحمد نبيل، ومحمود هشام، وشريف الروبي، ليه، الأربع شبان دول اتقبض عليهم ليه؟».
واستكمل: «وكمان الاتهام الموجه لهم هو الانضمام لجماعة محظورة، دول 6 إبريل الجبهة الديمقراطية، اللي اختلفوا مع أحمد ماهر من بدري، فاتهامات الخيانة والعمالة غير واردة بالمرة، دول زيهم زي طارق الخولي، عضو مجلس النواب، يعني إيه تتهمهم بالتحريض على التظاهر، هو مش التظاهر حق ينظمه القانون، هو إنتوا شوفتوهم تظاهروا بدون تصريح».
واستطرد: «إنتوا ليه قلقانين إن الشباب دول يستطيعوا تحريك ثورة شعبية ضد الرئيس ويطيحوا بالنظام الحالي، لو إنت خايف ومرعوب بجد ومصدق كدة يبقى فعلًا الناس عايزة تثور على السيسي، وفي الحالة دية مش هتعرف توقفها، تسجن 4 أو حتى 15، كنت إنت اشطر يوم ما كان اسمك أمن الدولة
